Toro na may nagbabagang mga sungay, nagwala sa Spain

NAKAWALA at nagwala ang isang torong may mga nag-aapoy na sungay sa isang festival na idinaos sa Spain.

Sinindihan ang mga sungay ng toro bilang bahagi ng Bous Embolado festival at nakawala ito sa kulungan sa gitna ng isang bull running event kung saan magpapahabol ang mga tao sa mga pinakawalang baka.

Sinuwag ng toro ang isang lalaking nakaupo sa bakod, dahilan upang mahulog ito sa kalapit na ilog.

Ilang ahensiya ng gobyerno ang rumesponde sa pangyayari at inabot ng siyam na oras bago nahuli ang toro.

Sa tulong ng isang beterinaryo, ginamitan ng tranquilizer ang toro upang mahuli.

Hindi naman daw nasaktan ang toro sa pangyayari at ibinalik din ito kaagad sa kulungan.