INAASAHAN nating lahat na magiging masigla at maunlad ang ekonomiya ng Pilipinas sa pagpasok ng 2016.
Ito ay pansamantala lamang at bagama’t hindi ako sertipikadong ekonomista pero bilang mamamahayag ay alam naman ng lahat na kapag election year ay maraming kandidato ang gumagastos sa pangangam-panya.
Sa panahon ng kampanya sa eleksiyon ay malaking halaga ng pera ang lalabas at gagastusin na pakikinabangan din nang marami.
Magbubunga ito ng paglikha ng trabaho bilang mga tagasuporta bawat kandidato.
Ayon nga sa usap-usapan, panahon ito upang ibalik sa taumbayan ng ilang pulitiko na nagnakaw sa kaban ng bayan lalo na ang mga incumbent officials na muling kakandidato.
Sana naman, lahat ng mga nagsamantala sa pondo ng bayan ay gastusin nila lahat sa eleksiyon at sana rin ay matalo ang mga ito upang maubos na ang mga magnanakaw na pulitiko sa bansa.
Sa mga mabibigyan ng trabaho sa kampanya sa eleksiyon ay kanilang samantalahin upang makalikom ng pera para sa kanilang pamilya.
Pero ang pagsigla ng ekonomiya ng bansa ay pansamantala lang dahil sa epekto nang malaking paggastos ng mga pulitiko at babalik sa normal matapos ang eleksiyon.
Kaya naman sa pagdaraos ng eleksiyon ay isang napakala-king kaganapan sa ating bansa na tayong mga botante ay may pakialam.
Hayaan nating gumastos ang mga pulitiko lalo na ang nagsamantala sa pondo ng bayan pero hayaan natin ang sariling kagustuhan na pumili ng karapat-dapat na kandidato na tunay na magpapaunlad sa ekonomiya ng bansa.