Totoong masaklap mga kalamidad
Na sa ating bansa ay biglang naganap;
Sa nangyaring ito’y ganap na paglingap
Ang dapat ibigay sa salanta’t hirap!
Daming natatakot na ang DAP at SARO
Magiging pahirap sa maraming tao;
Ito’y gagamitin ng nasa gobyerno
Tiyak na sa scam babagsik din ito!
Kung may pera tayo sa SARO at DAP
Bakit di ilaan sa mga mahirap?
Ang pera’t relief goods ay dalhin kaagad
Upang di mamaho dahil sa natambak?
Ang mga regalo na galing sa abroad
Dapat ipamigay nang hindi mabulok;
Saku-sakong bigas nabasa’t nabansot
Sa hangad ng ibang ang gusto’y mabantog!