BIFF terrorist todas sa encounter

MANILA, Philippines — Isang pinaghihinalaang miyembro ng Bangsamoro Islamic Freedom Fighters (BIFF) ang nasawi habang nakasamsam naman ng sari-saring uri ng Improvised Explosive Device (IED) at armas matapos ang engkuwentro sa liblib na bahagi ng Brgy. Butilen, Datu Salibo, Maguindanao del Sur nitong Sabado ng umaga.

Sa report, sinabi ni Lt. Col. Roden Orbon, Spokesperson ng Army’s 6th Infantry Division (ID), kasalukuyang nagsasagawa ng combat operations ang mga elemento ng Joint Task Force (JTF) Central nang masabat ang grupo ng mga teroristang BIFF.

Agad nagkaroon ng palitan ng putok sa pagitan ng magkabilang panig na tumagal ng mahigit 5 minuto na ikinasawi ng nasabing BIFF member na inabandona ng mga nagsitakas nitong kasamahan.

Ayon sa opisyal, ang nakumpiskang sari-saring mga eksplosibo ay gamit ng BIFF sa paghahasik ng terorismo.