Tatay pinatay ng 15-anyos na anak
Umawat sa away
MANILA, Philippines — Idineklarang dead on arrival sa ospital ang isang 47-anyos na tatay matapos saksakin sa mukha ng kaniyang 15-anyos na anak nang umawat sa away ng dalawang anak, kamakalawa ng gabi sa Brgy. Habay 1, Bacoor City, Cavite.
Kinilala ang nasawi na si alyas Nesting, residente ng Brgy. Habay 1, Bacoor City, Cavite.
Kusang loob namang sumuko ang suspek sa kanilang barangay na kinilalang si alyas Jon, High school student, residente ng San Rafael Executive Village, Brgy. Habay 1, Bacoor City, Cavite.
Sa ulat ng pulisya, bago naganap ang krimen, alas-11:40 ng gabi sa loob ng kanilang tahanan ay nakatalo ni Jon ang kapatid nitong si alyas Kyle.
Dito ay pumagitna ang biktima para awatin ang pagtatalo ng dalawang anak na hindi umano nagustuhan ni Jon sa pag-aakalang kinakampihan nito ang kapatid.
Sa pag-aakala ng biktima na naayos na ay lumabas na ito ng bahay na hindi alam na siya ay sinundan ni Jon at inundayan ng saksak sa mukha.
Naitakbo pa sa Southern Tagalog Regional Hospital ang biktima, subalit idineklarang dead on arrival.
- Latest