Mag-ina na nakamotor patay sa trak
MANILA, Philippines — Dead on the spot ang mag-ina na sakay ng motorsiklo matapos masalpok ng cargo truck habang papalabas isang talyer sa gilid ng highway sa Barangay Bolong, Zamboanga City, kamakalawa.
Kinilala ang nasawi na sina Jonmar Eijansantos at ang ina na si Innocencia matapos masapol ng cargo truck (MAV-2644) na minamaneho ni Reymundo Ledita.
Sa ulat, nagkaroon umano ng problema sa preno ng truck kaya nawalan ng kontrol si Ledita at nagawi sa gilid ng highway at nabundol ang mag-inang magkaangkas sa kanilang motorsiklong kakaayos lang sa isang talyer sa naturang lugar.
Ang cargo truck ay may laman na mga produktong mula Davao City na ihahatid sana sa isang shopping mall sa Zamboanga City nang maganap ang aksidente.
Sumuko naman ang suspek at nahaharap sa kasong reckless imprudence resulting to double homicide.
- Latest