2 bebot tiklo sa higit P2 milyong shabu
MANILA, Philippines — Dalawang babae na umano ay notoryus sa pagtutulak ng ipinagbabawal na shabu ang naaresto sa isinagawang anti-ilegal drug operation at nakumpiskahan ng suspected shabu na nagkakahalaga ng P2,040,000.00, kahapon ng madaling araw sa Sitio Malalim, Barangay San Jose, General Luna, Quezon.
Nakapiit na sa municipal jail at kinasuhan ng paglabag sa Section 5 at 11 ng RA 9165 ang mga suspek na sina Melody Palatino, alyas Mami, 41, dalaga at kabilang sa talaan ng mga Highly Value Individual ( HVI ) at Marie Maano, 45, dalaga at kabilang sa Newly Identified Personality ( NIP ).
Ayon kay PCol.Ledon Monte, Quezon Police Provincial Office (QPPO) Director, bago ang pagkaaresto sa dalawa ay tumanggap ng impormasyon ang lokal na pulisya na nagpapatuloy ang iligal na operasyon ng mga ito sa kabila ng warning ng mga barangay officials .
Bandang, ala-1:45 ng madaling araw nang isagawa ng mga operatiba ng Provincial Drug Enforcement Unit (PDEU) ang buy-bust operation laban sa mga suspek at nakuha sa kanilang pag-iingat ang isang sling bag na naglalaman ng 20 piraso ng plastic sachet ng suspected shabu na tumitimbang ng 100 gramo at nagkakahalaga ng P2,040,000.00, isang piraso ng P1,000 marked money at 13 piraso ng P1,000 ng boodle money. —Ed Amoroso
- Latest
