Mga lugar na nasa Alert Level 1, dinagdagan ng IATF
MANILA, Philippines — Dinagdagan ng Inter-Agency Task Force (IATF) ang mga lugar na inilagay sa ilalim ng Alert Level 1.
Inilagay na rin ng IATF sa Alert Level 1 ang Mountain Province sa Cordillera Administrative Region, Southern Leyte sa Region VIII, at Misamis Oriental sa Region X.
Iiral din ang Alert Level 1 sa Buguias, Benguet sa Cordillera Administrative Region, Atimonan at Tiaong sa Quezon in Region IV-A, Santa Magdalena sa Sorsogon at Masbate City sa Masbate sa Region V, Batad at Zarraga sa Iloilo sa Region VI, Talisay City sa Cebu sa Region VII, Javier (Bugho) at La Paz sa Leyte, Maslog sa Easter Samar at Paranas (Wright) sa Samar (Western Samar) sa Region VIII, Linamon sa Lanao del Norte at Calamba sa Misamis Occidental na nasa Region X, Padada sa Davao del Sur sa Region XI, Sibagat sa Agusan del Sur at Tubajon at Cagdianao na nasa Dinagat Islands sa CARAGA.
Ang Alert Level 1 status sa mga nabanggit na lugar ay magsisimula ngayon, Abril 9, 2022 hanggang Abril 15, 2022.
Wala namang magiging pagbabago sa alert level status ng mga probinsiya, highly urbanized cities, independent component cities, component cities at municipalities na nakapaloob sa IATF Resolution No. 165-E hanggang Abril 15, 2022.
- Latest
