Duterte itinalaga ang NBI na mag-imbestiga sa misencounter
MANILA, Philippines — Ang National Bureau of Investigation (NBI) ang tanging ahensiya na itinalaga ni Panguong Rodrigo Duterte na mag-iimbestiga sa madugong shootout sa pagitan ng mga operatiba ng Philippine National Police (PNP) at Philippine Drug Enforcement Agency (PDEA), kamakailan.
Sinabi ni Presidential spokesperson Harry Roque, na nagdesisyon ang pangulo na tanging NBI na lang ang mag-iimbestiga kung saan dalawang PDEA agent at dalawang pulis ang namatay sa shootout sa parking lot ng isang fastfood sa Commonwealth, Quezon City.
Paliwanag ni Roque na NBI lang ang mag- iimbestiga sa nasabing barilan dahil gusto ng pangulo na matiyak na magiging patas ang imbestigasyon sa pangyayari at dahil dito ay titigil na sa pag-iimbestiga ang PDEA at PNP sa nasabing insidente.
Maliban dito, ayon umano sa pangulo, legal na mandato ng NBI na mag-imbestiga lalo na kung men in uniformed ang nasasangkot.
- Latest