Krimen tataas sa MGCQ — PNP
MANILA, Philippines — Inaasahan ng Philippine National Police ang pagtaas ng mga petty crimes tulad ng snatching sa sandaling ilagay ang buong bansa sa Modified General Community Quarantine (MGCQ).
Ito ang tahasang sinabi ni PNP Chief General Debold Sinas, dahil maraming kriminal ang magsasamantala ng pagkakataon matapos mabakante sa tagal ng pagkakakulong sa kanilang mga bahay dahil sa quarantine.
Anya, kahit ang mga snatcher, holdaper at mga ‘tulak’ ay nalimitahan ang kilos at galaw dahil sa banta ng virus ng COVID-19 at sakaling mag- MGCQ, tila normal na naman sa mga kriminal ang mambiktima ng inosenteng sibilyan sa iba’t ibang panig ng bansa.
Kaya’t sinabi ni Sinas na magsasagawa na sila ng kaukulang adjustments sa deployment ng mga pulis upang anumang oras ipatupad ang MGCQ ay handa ang pulisya na rumesponde sa mga nangangailangan ng tulong.
Sa istatistika ng PNP, kapansin-pansin ang naging pagbaba ng lahat ng uri ng krimen sa panahon na ipinaiiral ang istriktong quarantine.
- Latest