FSP, gagamitin ng DSWD sa pamamahagi ng ayuda
MANILA, Philippines — Para masiguro na maihatid ang ayuda sa mga mahihirap sa kabila ng umiiral na lockdown sa Metro Manila at kalapit nitong probinsya ay inaprubahan na ng Inter-Agency Task Force for the Management of Emerging Infectious Diseases (IATF-MEID) sa ilalim ng rekomendasyon ng Department of Social Welfare and Development (DSWD)—ang panibagong protocol.
Ayon sa IATF, ang mga kapartner nitong financial service provider (FSP) ay maaari ng makapag-operate ng kanilang full capacity maging ang mga empleyado nila ay pinapayagan na ring mapabilis ang kanilang trabaho para mas makatulong.
Sa tala ng DSWD, nasa 72.4% o 10.2 million mula sa target na 14.1 million beneficiaries ang nakatanggap ng ayuda sa second tranche nito kung saan inaasahang matatapos ang pamamahagi sa kalagitnaan ng Agosto.
Matatandaang sinabi ni Finance Secretary Carlos Dominguez III na humahanap na ng paraan ang pamahalaan para sa posibleng third round ng pamamahagi ng ayuda para sa mga maaapektuhan ng Modified Enhanced Community Quarantine (MECQ) sa Metro Manila at ilan pang probinsya na isasama sa panukalang Bayanihan to Recover as One Act.
- Latest
