Cebu City naglaan ng 3 ektaryang lupain para sa burial ng mga nasawi sa COVID-19
MANILA, Philippines — Naglaan ng 3 ektaryang lupain ang Cebu City government para gawing burial site o libingan ng mga namamatay dahil sa COVID-19.
Ito ang sinabi ni retired General Wilben Mayor ng National Task Force COVID-19 na inaprubahan ng Inter-Agency Task Force for the Management of Emerging Infectious Diseases (IATF-EID) Visayas dahil sa kakulangan ng crematoriums sa lungsod.
Nabatid na tatlong crematoriums lang meron sa Cebu City at kada araw ay apat na bangkay lamang ang naki-cremate kaya walang ibang opsyon kundi ilibing ang mga namamatay sa COVID-19 sa Sitio Catives II ng Cebu City at tinawag na Cebu City Botanical Memorial Garden.
Tiniyak naman ni Cebu City Councilor Dave Tumulak na siya ring chairperson ng city council’s Committee on Risk Reduction and Management na walang panganib sa kalusugan ng mga residenteng malapit sa lugar.
Sa halip makakatulong pa nga raw ito para magkaroon ng kabuhayan ang mga residente na malapit sa area.
- Latest
