60-day ng DILG matutugunan ng Quezon City
MANILA, Philippines — Matutugunan ng Quezon City ang 60-day deadline na itinakda ng DILG para linisin ang mga obstruction sa mga kalye sa bangketa.
Ito ang inihayag ni Mayor Joy Belmonte nang mag-ikot siya kahapon ng hapon sa mga lugar sa barangay Holy Spirit para bisitahin ang mga residente roon na kusang loob na giniba ang kanilang mga istraktura na nakahambalang sa bangketa.
Sinabi nito na sa ngayon ay 85 percent cleared na ang primary, secondary at mabuhay lanes sa QC.
Anya, kahit matapos na ang deadline hinggil sa pagwawalis sa mga ilegal na istraktura sa mga kalsada at bangketa ay hindi sila titigil para matiyak na wala ng illegal structures na makikita sa mga lansangan.
Iniulat din ni Belmonte na may nailaang P10 milyong budget ang local na pamahalaan para sa mga magsusurender ng mga may sakit nilang baboy mula sa 1km. affected area.
- Latest