4 mag-utol tiklo sa shabu
MANILA, Philippines — Naaresto ng mga otoridad ang apat na magkakapatid na sina Lino Celestino, alias Chris, 45; Benjamin Celestino, 54; Norman Celestino, 48; pawang naninirahan sa Brgy. Greater Fairview, at Roberto Celestino, 42-anyos ng Brgy. Sta Lucia, Quezon City sa isinagawang buy bust operation, kamakalawa ng gabi.
Bago ito nangyari ay nakatanggap ng impormasyon ang Station Drug Enforcement Unit (SDEU) sa umano’y illegal drug activities ng magkakapatid kaya tiniktikan ito ng kanyang mga tauhan.
Nang mag-positibo ay agad na bumuo ng team ang SDEU at nagkasa ng buy bust, dakong alas-11:50 ng gabi, sa Orchids St., Brgy. Greater Fairview at dito ay tumayong buyer ang isang pulis
at habang nagaganap ang transaksiyon at lumabas sa pinagtataguan ang mga kasamang otoridad ay agad na pinosasan ang magkakapatid na nakumpiskahan ng limang sachet ng shabu.
- Latest
