MANILA, Philippines – Naaresto ng mga otoridad ang tatlong miyembro ng isang pamilya na sangkot sa pagtutulak ng droga sa isinagawang drug operation sa Brgy. Sabang, Dasmariñas, Cavite, kamakalawa ng gabi.
Ang mga naaresto ay kinilalang sina Kevin Christ Capistrano, 23; misis nitong si Cyrine Paz, 23 at ang stepmother nilang si Elsa Medina, 54, habang nakatakas ang mister nitong si Emil Capistrano at kapwa residente ng #239 Brgy. Sabang.
Batay sa ulat, dakong alas-6:30 ng gabi nang isagawa ang drug raid sa bahay ng mga suspek nang magpanggap ang isang pulis na poseurt buyer at bibili ng P500 halaga ng shabu kay Emil.
Nang maiabot ng suspek ang nasabing drugs ay nakaramdam ito na pulis ang kanyang ka-deal kaya’t mabilis itong tumakbo hanggang sa maaresto ang tatlong suspek habang nakatakas ang padre de pamilya.
Narekober sa mga ito ang 1 water pipe;13 piraso ng heat sealed transparent plastic sachet na naglalaman ng shabu; cellphone pouch; buybust money; 1 piraso ng plastic ng tuyong dahon ng marijuana.