Miriam pinatataasan ang parusa sa magtatanim ng bala
Malou Escudero (Pang-masa) - November 13, 2015 - 9:00am

MANILA, Philippines – Iginiit ni Senator Mi­riam Defensor-Santiago na dapat ng itaas ang parusa sa  pangingikil o extortion sa pamamagitan ng pagtatanim ng ebidensiya katulad ng pagtatanim ng bala na talamak sa Ninoy Aquino International Airport (NAIA).

Balak ni Santiago na maghain ng isang panukalang batas na mag-aamiyenda sa Republic Act No. 10591 o ang “Comprehensive Firearms and Ammunition Regulation Act,” para maitaas ang parusa sa mga magtatanim ng ebidensiya.

Kung maamiyendahan ang nasabing batas, gagawing pagkabilanggo ng 12 taon hanggang 20 taon ang parusa sa sinumang mahuhuling naglalagay o nagtatanim ng bala na ang layunin ay makasuhan o kikilan ang biktima.

Anya, kahit pa hindi na gawing krimen ang pagdadala ng bala ng hindi lalampas sa tatlo sa pamamagitan ng pag-amiyenda sa RA 10591, maari namang dagdagan ng nagbabalak ‘magtanim’ ng bala ang ilalagay sa bagahe o gamit ng kanilang biktima.

Naniniwala si Santiago na dapat magbigay ng mahigpit na mensahe ang gobyerno na hindi nito kukunsintihin ang anumang gawaing kriminal lalo na ang pagtatanim ng ebidensiya. 

Sa kasalukuyan ang parusa lamang sa pagtatanim ng ebidensiya ay prison mayor o pagkabilanggo ng mula anim na taon hanggang 12 taon.

ACIRC ANG ANYA BALAK COMPREHENSIVE FIREARMS AND AMMUNITION REGULATION ACT DEFENSOR-SANTIAGO IGINIIT NANINIWALA NINOY AQUINO INTERNATIONAL AIRPORT REPUBLIC ACT NO SENATOR MI
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with