MANILA, Philippines - Isang radio broadcaster ang namatay nang pagbabarilin ng mga suspek na nakamotorsiklo kahapon ng umaga sa Tagum City, Davao del Norte.
Sa ulat, dakong alas-8:55 ng umaga nang pagbabarilin ng mga suspek ang biktima na si Rogelio “Tata†Butalib, 44, commentator sa programa nitong “Ang Kamatuoran†o ang Katotohanan sa Tagalog sa Radyo Natin sa Tagum City.
Nabatid na bigla na lamang sumulpot sa kanto ng Sobrecarey at Roxas Sts. Brgy. South, Tagum City ang motorcycle riÂding-in-tandem at pagbabarilin ang biktima.
Nabatid na katatapos lamang ng programa ng biktima na isa ring nahalal na barangay kagawad nang mangyari ang pananambang.