^

PM Sports

Minnesota humirit sa Denver ng Game 7

Pang-masa
Minnesota humirit sa Denver ng Game 7
Matinding depensa ang ibinigay ni Timberwolves center Rudy Gobert kay Nikola Jokic ng Nuggets sa Game 6 ng kanilang semifinals series.

MINNEAPOLIS — Bumanat si Anthony Edwards ng 27 points para banderahan ang Minne­sota Timberwolves sa 115-70 pagmasaker sa nag­dedepensang Denver Nuggets sa Game Six at itabla sa 3-3 ang Western Conference se­mi­s series.

Magtutuos ang Tim­ber­­wolves at Nuggets sa Game Seven bukas para sa con­­ference finals berth kung saan ang mananalo ang sasagupa sa ma­nanaig sa semis duel ng Dallas Mavericks at Oklahoma City Thunder.

Angat ang Mavericks sa Thunder, 3-2.

“Guys just believing in themselves,” sabi ng 22-anyos na si Edwards. “I think the last three games we were all down on ourselves.”

Nagdagdag si Jaden McDaniels ng 21 points, habang may 13 markers si Mike Conley.

“We talked a lot today just about getting our edge back, our swagger, pla­ying a little more free and easy,” ani coach Chris Finch. “It just felt like we hadn’t had our best effort on both sides of the ball yet.”

Humakot sina Minne­sota big men Rudy Go­bert, Karl-Anthony Towns at Naz Reid ng pi­nagsamang 38 rebounds bu­kod sa paglimita kay NBA MVP Nikola Jokic sa 22 points sa panig ng Denver.

Nalimitahan din si Nug­gets star guard Jamal Murray sa 10 points mula sa masamang 4-for-18 field goal shooting.

Nag-ambag si Aaron Gordon ng 12 points.

Ipinoste ng Timberwolves ang largest winning margin sa isang postseason game sapul no­ong 2015 nang talunin ng Chicago Bulls ang Mil­waukee Bucks ng 54 points sa isang first-round series clincher.

Kinuha ng Minnesota ang 31-14 abante sa first pe­riod patungo sa pagpoposte ng 50-point lead sa fourth quarter.

“That to me speaks vo­lumes about the game and our approach,” wika ni Denver coach Mike Malone.

vuukle comment

NBA

Philstar
x
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with