Delgaco gumawa ng kasaysayan
MANILA, Philippines — Lumobo pa ang listahan ng mga hahataw sa Paris Olympics matapos magkwalipika si Joanie Delgaco kahapon.
Naisakatuparan ito ni Delgaco nang kumana ito ng silya sa Paris Games kahapon ng umaga.
Tumapos si Delgaco sa ikaapat na puwesto sa women’s single sculls final ng Asian and Oceanian Rowing Olympic Qualification Regatta na ginanap sa Chungju, South Korea.
Nanguna si Anna Prakaten ng Uzbekistan (7:31.28) habang pumangalawa si Shiho Yonekawa ng Japan (7:35.93) at ikatlo si Fatemeh Mojallal (7:37.07).
Sapat na ang kanyang fourth-place finish upang makapasok sa Paris Games.
“My whole body is aching, my legs and everything but I told myself I can’t let them overtake me,” ani Delgaco.
Nagrehistro ang 25-anyos Pinay bet ng pitong minuto at 49.39 segundo sa final round.
Si Delgaco ang ikaapat na Pinoy rower at nag-iisang babae na nakapasok sa Olympics.
“My coaches told me that I can make it. At the start, I was thinking if I can beat some of them because they’re really good but now I managed to beat them. It’s really historic that I became the first Filipina rower in the Olympics,” ani Delgaco.
Makakasama nito sa listahan ng mga Olympic qualifiers sina Edgardo Maerina (1988 Seoul Games), Benjamin Tolentino Jr. (2000 Sydney Games) at Cris Nievarez (2021 Tokyo Games).
“I could never imagine I’d make it this far. They used to get past me easily but now I get to beat them,” dagdag ni Delgaco.
Bigo si Nievarez na makakuha ng return trip sa Olympics nang mabigo itong makapasok sa final round ng men’s single sculls event.
- Latest
