May pinaghuhugutan ang Ginebra
MANILA, Philippines — Tatlong taon na ang nakakalipas nang huling pumasok ang Barangay Ginebra sa isang PBA All-Filipino Finals at huli silang nagkampeon noong 2007.
Ito ay ilan lamang sa mga motibasyon ng Gin Kings para tuluyan nang tapusin ang kanilang best-of-five seifinals series ng Meralco Bolts sa 2020 PBA Philippine Cup.
Tinalo ng Ginebra ang Meralco sa Game Three, 91-84 para kunin ang 2-1 bentahe palapit sa kanilang pang-27 PBA Finals appearances.
“It takes a lot of effort to win a basketball game, and sometimes, you just do not have that same effort going into the next game and the other team picks up the effort,” sabi ni coach Tim Cone.
Noong 2017 PBA Philippine Cup Finals ay natalo ang Gin Kings sa San Miguel Beermen.
Sa nasabing pagresbak sa Bolts ay tumipa si guard Stanley Pringle ng 24 points, habang may 15, tig-12 at 10 markers sina Prince Caperal, LA Tenorio, Japeth Aguilar at Joe Devance, ayon sa pagkakasunod.
“We haven’t really accomplished anything yet. So I’ll just prepare myself for the coming games,” wika ni Devance, bahagi ng 10 PBA crowns ni Cone.
Nakatakda ang Game Four bukas.
Kagaya ng Ginebra, determinado rin ang Phoenix na sibakin ang TNT Tropang Giga sa Game Four matapos kunin ang 2-1 abante sa serye mula sa 92-89 panalo sa Game Three noong Linggo.
“All the pressure is on TNT. There’s absolutely no pressure on us. We’re out there just having fun. You can hear it from our bench,” ani Fuel Masters’ main man Matthew Wright na nagpasabog ng game-high 25 points sa Game Three tampok ang 5-of-11 shooting sa three-point range.
Hangad ng Phoenix ang kanilang kauna-unahang PBA Finals stint.
- Latest
