Devance sasailalim sa stem cell procedure
John Bryan Ulanday (Pang-masa) - February 25, 2020 - 12:00am

MANILA, Philippines — Lalong numipis ang frontline ng Barangay Gi­nebra dahil sa inasahang pagkawala ni veteran Joe Devance sa unang buwan ng paparating na 2020 PBA Philippine Cup.

Nakatakdang magtu­ngo ang 38-anyos na si De­vance sa Germany nga­yong linggo para su­ma­ilalim sa isang stem cell procedure na siyang gagamot sa kanyang knee at foot surgeries sa nakalipas na tatlong taon.

Kakapirma lamang ng one-year extension ni De­vance sa Gin Kings kamakalawa at bagama’t inaasahang mawawala sa loob ng isang buwan ay mapapalakas niya ang katawan para sa buong ta­on kung saan maghaha­ngad ng Grand Slam ang crowd favorite.

Nauna nang napi­la­yan ang Gin Kings dahil sa biglaang desisyon ni 7’0 Greg Slaughter na magpahinga muna sa bas­ketball.

Napaso ang kontrata ni Slaughter sa Ginebra pagkatapos ng 2019 PBA Governors’ Cup at napasentro sa ilang trade rumors kapalit si Christian Standhardinger ng NorthPort bago ang de­sis­­yong mabakasyon.

Ngayon ay sasandal mu­na ang Ginebra kina defensive player Raymond Aguilar, Gover­nors’ Cup Finals MVP Ja­peth Aguilar at Prince Caperal na nabigyan din ng contract extension upang punan ang puwesto ni Slaughter.

Nauna na ring pinapir­ma ng Ginebra ang mga roo­kies na sina Arvin Tolentino at Jerrick Balanza matapos pakawalan sina Julian Sargent at Teytey Teodoro.

Nagha­han­­da ang Gi­nebra para sa 2020 PBA Phi­lip­pine Cup na magbubukas sa Marso 8 sa Smart Ara­­­ne­ta Coliseum.

 

DEVANCE
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with