Quizon umabante sa finals ng blitz division

MANILA,Philippines — Ipinakita ni International Master Daniel Quizon ang kanyang kahandaan sa darating na 30th Southeast Asian Games matapos umabante sa blitz section finals ng Thailand Pattaya Chess Open kamakalawa ng gabi.

Pinatumba ng 14-anyos na si Quizon, maglalaro sa 2019 SEA Games sa blitz division, si Swedish Richard Persson sa 11th at final round para tumapos na may 9.0 points sa kanyang grupo.

Sa finals ay makakasama ni Quizon sina FIDE Master Nelson Mariano III, FM Jony Habla, ASEAN and Asian Para Games gold medalists FM Sander Severino, Henry Lopez, FM Roel Abelgas, Vladimir Gonzales, Kimule Aa­ron Lorenzo, Vladimir Gonzlaes at Ric Portulgalera.