Wright laglag sa Gilas

MANILA, Philippines — Hindi pa man din nasusulit ang tagumpay sa pagkakasali sa Second Mythical Team ng Philippine Basketball Association (PBA), nagtamo agad ng dagok ang Phoenix shooter na si Matthew Wright.

Ito ay matapos siyang matanggal sa pina-kabagong 14-man pool ng Gilas Pilipinas para sa ikaanim at huling window ng 2019 International Basketball Federation (FIBA) World Cup Asian Qualifiers.

Subalit para kay Wright, nirerespeto aniya ang desisyon ni Gilas head coach Yeng Guiao at mananatiling buo ang suporta para sa Gilas na sasalang sa must win games kontra sa Qatar at Kazakhstan sa Pebrero 21 at 24, ayon sa pagkakasunod.

“That’s out of my control. I can’t control that. That’s the coach’s decision,” ani Wright matapos umiskor ng 18 puntos, 11 rebounds at limang assists sa 93-92 overtime win ng Fuel Masters kontra sa Meralco sa 2019 PBA Philippine Cup kamakalawa. “I know Andray Blatche is back so hopefully we can get two wins. We need those two wins in Middle East so I wish all those guys the best.”

Isa si Wright sa mga prominenteng manlalaro na hindi nakasali sa Gilas pool ngayon tulad din nina Beau Belga, Greg Slaughter, Arwind Santos, Ian Sangalang, LA Tenorio, Stanley Pringle at Alex Cabagnot.

Ayon kay Guiao, mas pinili ng SBP na kunin muna ngayon ang nagbabalik na si Pogoy.