Collegiate stars papagitna sa PSL Grand Slam

Chris Co (Pang-masa) - November 3, 2018 - 12:00am

MANILA, Philippines — Papalo ngayon ang Philippine Superliga Col­legiate Grand Slam tampok ang apat na ko­po­nang mag-uunahang makuha ang unang pa­nalo, habang magpapa­tuloy din ang bakbakan sa All-Filipino Confe­rence sa Ynares Sports Are­na sa Pasig City.

Lalarga ang salpukan ng University of the Philippines at Univer­sity of the East nga­yong alas-12 ng tanghali kasunod ang paluan ng Collegio San Agustin at University of Santo Tomas sa alas-2 ng hapon.

Matapos ang ope­ning ceremony ay masi­silayan ang laban ng Foton at Generika-Ayala sa alas-5 at ang laro ng Cig­­nal at Cocolife sa alas-7 ng gabi.

Nakatutok ang aten­syon sa Cignal at Co­co­life na parehong nag­na­nais makabalik sa por­ma matapos yumuko sa kani-kanilang karibal sa opening day noong Sa­bado.

Natalo ang HD Spi­kers sa F2 Logistics, 16-25, 19-25, 19-25, ha­bang nabigo ang Asset Managers sa nagdedepensang Petron, 18-25, 15-25, 18-25.

Magsisilbing lakas ng Cignal si opposite hitter Mylene Paat na nag­pasiklab sa kanyang stint sa national team sa Asian Games at sa AVC Asian Women’s Championship.

Kumana si Paat ng 12 points sa kanilang hu­ling laro.

Makakatulong ni Pa­at sa HD Spikers sina Rachel Anne Da­quis, Honey Royse Tubino, Luth Malaluan, Roselyn Doria, Janine Navarro at libero Jheck Dionela.

Raratsada naman pa­ra sa panig ng Asset Ma­na­gers si Fil-American recuruit Kalei Mau.

 

COLLEGIATE
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with