MANILA, Philippines - Tinalo nina Shirley Martinez at Lourdes de la Cruz ng Marikina sina Dasmariñas spikers Sheila Mae Nanquil at Alyanna Gorospe, 21-18, para umabante sa semifinals ng ikaapat at huling yugto ng 2014 Petron Ladies’ Beach Volleyball Tournament sa sand courts ng University of the East-Kaloocan campus.
Makakatapat nina Martinez at Dela Cruz sa semifinals sina University of the East bets Krycel Cueva at Francislyn Cais sas beach volley tournament na itinataguyod ng Petron at Mikasa balls.
Naglalaro para sa Pamantasan ng Lungsod ng Marikina 1 banner, umiskor ang 19-anyos na si Martinez ng isang drop shot para sa kanilang 19-17 abante sa Dasmariñas.
Umabot sina Martinez at Dela Cruz sa semis matapos kunin ang 2-1 record sa Group A kasama sina Melanie Carrera at Cindy Benitez.