Trauma ng Estudyante Mula sa Teacher

May isang lalaki ang nakapagtapos ng kolehiyo ng business degree at mayroon nang magandang trabaho ang binalikan ang kanyang teacher noong Kindergarten ito.

Tuwang-tuwa ang teacher na akala niya ay pasasalamatan siya ng kanyang dating estudyante na ngayon ay isa nang matagumpay na working professional. Pero laking gulat at panghihina ng teacher nang marinig ang kuwento na na-trauma at sumama ang loob nito sa kanya.  Ipinaliwanag ng dating estudyante ang trauma niya noong siya ay pilit na pinagsusulat ng pangalan niya sa cursive o dikit-dikit na letra sa papel. Nang hindi maisulat ng bata ang kanyang pangalan nang maayos ay pinarusahan siya ng kanyang teacher at pinagsulat ito sa blackboard ng 100 beses. 

Dala-dala ng estudyante ang trauma na hindi niya makalimutan ang pangalan ng teacher hanggang siya ay makatapos ng college at makapagtrabaho. Kusang humingi ng tawad ang teacher sa dati niyang estudyante na hindi niya alam na nag-iwan pala ng trauma sa isang bata na minsan niyang tinuruan.

Walang pag-aalinlangan na nagsabi ang dating estudyante na pinatatawad na niya ang teacher na nagresulta ng pagkakasundo, kapatawaran, at kapayapaan sa puso ng dalawang indibidwal.