Dear Vanezza,
Golden girl na ako at hanggang ngayon ay dalaga pa. Lahat ng classmates ko ay may anak at apo na kahit pa sa tuhod. Tinutukso nila ako sa dati kong nobyo dahil balo na ito sa kanyang asawa, pero may dalawang anak. Nahihiya tuloy akong pumunta sa reunion namin. Dahil lahat sila ay may pamilya na samantalang ako naman ay matandang dalaga pa. Okey naman ang buhay ko at may magandang trabaho. Pero bigla akong na-insecure sa kanila dahil sa nag-iisa lang ako sa buhay. Tama ba ang nararamdaman ko? – Loise
Dear Loise,
Wala kang dapat ika-insecure dahil sa pagiging single sa edad na 50 years old. Ang mahalaga ang sinasabi mong maayos ang iyong buhay at may magandang trabaho. Hindi komo may asawa at anak ang mga classmates mo ay masaya na sila. Bigyan mo rin ng pagkakataon ang biyudo mong nobyo rati. Malay mo ikaw ang nakatakdang maging second wife niya.
Sumasainyo,
Vanezza