Moira, natural ang antok ‘pag kumakanta!
MANILA, Philippines — Kinagisnan ko na yata ang Destileria Limtuaco.
Matagal nang kilala ang Maria Clara Sangre. Pero hindi sila tumitigil sa pagpapalaganap ng produktong ito.
Sa kauna-unahang pagkakataon ay kinuha nila si Moira Dela Torre bilang endoser kasabay ng paglulunsad ng bagong ng jingle na Maria Clara Virgin na nagkaroon ng press launching kamakailan.
At nakakaaliw ang mga sagot ni Moira sa mga kasamahan sa panulat na akala mo ay inaantok pero sadyang ganun lang siyang sumagot.
JC nagkaroon ng collab sa mga Tito
Romantiko pala itong singer na si JC Regino. Ayon kay JC ang bagong single niya na Tama Na Sa ‘Kin Ikaw under GMA Music ay sapat na para ipakita or iparamdam niya ang pagmamahal niya sa tao.
Nabanggit din niyang nagkaroon siya ng collaboration sa mga uncle niya na sina Vingo at Jimmy na sumulat ng lyrics. First time silang nag-collab pagkatapos pumanaw ni April Boy Regino.
Grateful naman si JC sa pag-aalaga sa kanila ng GMA Music at full support ang binibigay sa kanila.
Tagumpay...
Super successful naman ang pilot screening ng Love Before Sunrise noong Sabado, Sept 16 sa SM Megamall. Ito ay dinaluhan ng buong cast ng Love Before Sunrise na pinangunahan nina Bea Alonzo at Dennis Trillo. Maski ang mga loyal fans nila Bea at Dennis ay dumalo rin sa bonggang event na ito.
Ang mga big bosses ng GMA Entertainment team ay naroroon din para magbigay supporta din.
More than two decades na pala nung huling nagtambal sina Dennis at Bea sa ABS.
Mapapanood natin ang Love Before Sunrise sa Viu sa Sept 23 at Sept. 25 sa GMA after Maging Sino Ka Man.
- Latest
