Kean, inalala kung bakit lumayas sa Starstruck!
Kasama pala sana noon si Kean Cipriano sa StarStruck season 3 pero nag-back out siya.
Ipinakita ni Boy Abunda sa kanyang programang Fast Talk with Boy Abunda ang video ng naging audition nito sa reality talent search noon ng GMA.
Inamin naman ng mister ni Chynna Ortaleza ang rason ng kanyang pag-back out kahit pa kasama na siya sa final 14 noon.
Ayaw niya pala talagang maging artista, at ang nanay lamang niya ang may gusto noon. Kaya raw magkaaway sila noong mag-audition siya dahil napipilitan lamang daw siya.
Mas pinili niyang layasan ang StarStruck at ituloy ang kanyang pagbabanda kung saan siya masaya.
Pahayag niya, “Kasi mas gusto ko na i-pursue ‘yung music. Mas parang gusto ko nang sumugal at tumalon sa pagbabanda, pagsusulat ng kanta, mas gusto ko na ‘yun.”
Wala naman siyang dapat pagsisihan ngayon dahil tama naman ang naging desisyon niya at natupad ang pangarap niyang maging sikat na singer. Bukod pa roon ay naging aktor din siya at naging bahagi pa ng mga pelikula at teleserye na gusto ng nanay niya para sa kanya.
Manager na si Kean ng ilang music artists ngayon kasama ng misis niyang si Chynna. Bongga.
- Latest
