Pagkatapos ng halos apat na buwan...Kris, naka-face-to-face na ang doktor sa US
May pag-asang gumaling si Kris Aquino.
Ito ay matapos niyang banggitin sa huling bahagi ng kanyang post kahapon na “the renewed confidence to HOPE that although it will be a long process, i do have a strong chance of getting better.”
Nakita na raw niya ang ‘considered among the best’ sa kanyang bagong doctor kung saan naghintay pala siya ng 3 1/2 months bago natuloy ang kanyang face-to-face consultation sa Amerika.
Sa nasabing post ay nauna niyang pinasalamatan ang sikat na designer na si Michael Leyva na hindi siya iniwan umpisa sa una niyang checkup.
“(Choice of Song: Tuwing Umuulan by @moiradelatorre)
“To the original M.L. in my life @michaelleyva_ , little did i know, July of 2015- i’d make a lifelong, LOYAL friend and for kuya josh & bimb to have an adopted kuya… Ibang klaseng #lovelovelove yung lumipad ka for just 4 nights, timing your trip so you’ll be here on the day i had my 1st checkup… Thank you for the GENUINE LOVE & EXTREME EFFORT. Super appreciated ko that you never fail to mention that i was one of the people who helped open the door for you- pero dapat malaman ng lahat you won’t be who you are NOW kung hindi ka creative, super sipag, always pleasant, still humble, kusang matulungin, concerned sa welfare ng employees mo and mapagmahal sa pamilya…
“For all of you, thank you for continuing to pray for me- i failed to ask his permission if i could name him, but my new doctor is considered among the BEST. I waited 3 & a half months to have a face to face consultation- and i know i made the right choice because after months of uncertainty, he gave someone like me, suffering from multiple autoimmune conditions the most important element needed: the renewed confidence to HOPE that although it will be a long process, i do have a strong chance of getting better. #faithful #grateful.”
Polymerase, may bagong kanta
May bagong single ang bandang Polymerase na pinamagatang Evil Hand na mula sa kanilang album na Dreams and Realities Part 1 and 2.
Ang Part 1 ng naturang album ay lumabas na last Feb. 3 sa Electric Talon sa America, at Prince of the Arrow Records and distributed by Bear’s Den Records dito sa Pilipinas. Ito naman ay lalabas sa Europe next month.
Ang Evil hand ay representation ng negative emotions at kagustuhan ng mga tao na kailangang lagpasan para magkaroon ng peaceful life.
Maaari itong mapanood sa Facebook page ng Polymerase na: wwww.Facebook.com/polymerasepilipinas
Ang album na ito ay prinoduce ni Vincent Jose at Polymerase. Binubuo ang grupo nina Vincent Jose (guitars), Vox. Eugene Castro (drums), Bobby Legaspi (guitars/ bass) and Allan Paul Galiga (session bassist).
GMA, namayagpag online!
Lumalakas ang presensya ng GMA Network online at sa unang dalawang linggo pa nga lang ng taon dahil nangunguna na ito sa viewership at search ranking.
Ayon sa global video measurement at analytics platform na Tubular Labs, nakakuha ng kabuuang 167 million views ang official YouTube channel ng Kapuso na GMA Network mula Enero 1 hanggang 15.
Mas pinapanood din ang GMA Integrated News sa YouTube dahil umani ito ng 61.5 million views. Maging ang YouTube channel ng GMA Public Affairs ay nagtala ng mas mataas na view.
GMA rin ang mas hinahanap online base na rin sa SEO tool na Semrush.
Ang official website ng Kapuso Network, GMANetwork.com, ay nakapagtala rin umano ng average na 3.7 milyong organic traffic para sa unang 15 araw ng taon.
- Latest
