P3 dagdag-pasahe sa jeep, hirit
MANILA, Philippines — Ilang transport groups ang humirit ng dagdag na P3 provisional increase sa minimum fare sa jeep sa Land Transportation Franchising and Regulatory Board (LTFRB) dulot anya ng patuloy na pagtaas ng presyo ng produktong petrolyo.
Kabilang sa P3 provisional increase ang P1 naitaas kamakailan ng LTFRB sa passenger jeepneys sa Metro Manila, Central Luzon at sa Calabarzon (Cavite, Laguna, Batangas, Rizal Quezon) gayundin sa Mimaropa (Oriental Mindoro, Occidental Mindoro, Marinduque, Romblon and Palawan).
Sa petisyong inihain sa LTFRB ng 1UTAK, Pasang-Masda, ALTODAP at ACTO ayt isinusulong nila ang implementasyon na gawing nationwide ang P1 provisional increase mula sa LTFRB noong Hunyo 8 para sa Metro Manila, Calabarzon, Mimaropa at Central Luzon at ang P2 provisional increase sa lahat ng public utility jeepney (PUJs) sa buong Pilipinas.
Nakasaad sa kanilang petisyon na dahil tumaas na ang sahod ng mga manggagawa ay marapat lamang na maitaas na rin ang sapat na taas na pasahe sa mga pampasaherong jeep.
- Latest