Pagbabakuna sa edad 12-17 ‘di pa rekomendado ng DOH
MANILA, Philippines — Wala pang rekomendasyon tungkol sa pagbabakuna sa mga pediatric groups mula edad 12 hanggang 17.
Ito ang nilinaw ni Department of Health (DOH) Undersecretary Maria Rosario Vergeire dahil sa patuloy pang pinag-aaralan ng mga dalubhasa ang posibilidad na mabakunahan ang mga bata laban sa COVID-19 at partikular din na pinag-aaralan ang equity at kaligtasan ng bakuna.
Bagamat’ ang mga bata ayon kay Vergeire ay maaaring mahawa ng virus ngunit karamihan pa rin aniya sa mga tinatamaan ng severe infections ay mga nakatatanda.
Kaya naman pinagtutuunan ng pansin sa ngayon ang mga mas nakatatanda na may vulnerability sa severity at pagkamatay.
Nitong Linggo ay sinabi ni DOH Undersecretary Myrna Cabotaje na ang pangkalahatang polisiya, ang experts panel ng gobyerno ay inaprubahan na ang pagbabakuna para sa mga batang edad 12 hanggang 17 taong gulang lalo na ang mga may commorbidities.
- Latest
