Taga-Angeles City wagi ng P54 milyon sa lotto

MANILA, Philippines — Solo winner ang masu­werteng mag-­uuwi ng P54 milyon, na bumili ng lotto ticket sa Angeles City, Pampanga.

Sa report na inilabas ng Philippine Cha­rity Sweepstakes Office (PCSO), ang mananaya ay kukubra ng P54,082,689.80 jackpot prize ng Grand Lotto 6/55, na binola nitong Sabado ng gabi sa Mandaluyong City.

Ang nasabing winning combination ay “08 -16 - 25- 44 - 06 - 34”. 

May 9 pang mananaya ang nagwagi ng tig-P100,000.00, nasa 765 ang kukubra ng P1,500.00 at may 16,921 ang nanalo ng P60.00.

Samantala, wala namang nakadale sa draw ng Lotto 6/42 na may jackpot prize na P5,940,000 nitong Sabado.

Muling paalala ng pamunuan ng PCSO na ingatan ang mga winning ticket upang hindi magkaroon ng aberya sa pag-claim ng prizes.