Lady Eagles winalis ang Lady Maroons

MANILA, Philippines —  Sinuki ng Ateneo ang University of the Philippines matapos ilipad ang 25-14, 25-20, 25-15 panalo sa UAAP Season 86 women’s volleyball tournament na nilaro sa Araneta Coliseum kahapon.

Nasa pang-lima sa team standings ang Ateneo tangan ang 3-6 record, hinahabol nila ang nasa pang-apat na Far Eastern University Lady Tamaraws na may 4-4 karta.

“These past two weeks were so challen­ging, we played four times, but most importantly, our performance remained at the same level. In all these matches, the players played very well,” ani Blue Eagles head coach Sergio Veloso.

Nauna nang winalis ng Lady Eagles ang Lady Maroons sa first round ng eli­minations sa pahirapang five sets win na panalo, 22-25, 20-25, 25-22, 25-17, 15-9.

Nahirang na Best Pla­yer of the Game si Geezel Tsunashima sa tinikadang 16 points mula sa 13 attacks at tatlong blocks, nag-ambag naman sina Sophia Buena at Lyann De Guzman ng 10 at walong puntos ayon sa pagkakasunod para sa Ateneo .

Kinapos ang walong puntos na tinipa ni Stephanie Bustrillo para itaguyod sa panalo ang Lady Maroons na nabaon sa ilalim ng team standings hawak ang 1-8 card.

Samantala, mag-isa sa tuktok ang University of Santo Tomas na may malinis na walong panalo habang nasa No. 2 ang Lady Spikers hawak ang 7-2 karta.