FIBA World Cup: US, Spain, Slovenia 3-0 na;abante sa 2nd round

CEBU, Philippines — The inilog nga Team USA, defending champion Spain, ug Slovenia ni NBA superstar Luca Doncic mirehistro sa ikatulo nilang sagunson nga daog aron pag-abante sa ikaduhang hugna sa 19th FIBA World Cup.

Mihimo sab og kasikas ang Puerto Rico human gitagak niini ang higanteng koponan gikan sa Asya nga China, 107-89.

Ang Georgia, Brazil ug Greece mitikang sab sa sunod nga bahin sa prestihiyosong torneyo nga mahitabo kausa lamang sud sa upatr ka tuig.   

Gibihag sa Georgia ang Venezuela, 70-59, ang Brazil mipaluhod sa Cote d'Ivoire, 89-77, samtang ang Greece madasigon nga mibangon human malubong og 15 puntos sa first half dayon na ngadto sa pagpatikangkang sa New Zealand, 83-74.

Apan ang atensiyon nasentro sa gamhanang US team, nga misutoy ngadto sa 3-0 human gimasaker ang Jordan, 110-62.

Si Minnesota Timberwolves shooting guard Anthony "Ant-Man" Edwards maoy nangu sa mga Amerikano uban ang 22 puntos, walo ka rebounds ug upat ka assists.

Sangkaon sa US ang Lithuania ug Montenegro sa 2nd round nga magsugod karong adlawa.

Wala sab magpa-alkansi ang Spain nga nagpabiling way pilde human gilampaso ang Iran, 89-65.

Samtang si Doncic padayong nagmangtas uban ang 19 puntos, pito ka rebounds ug siyam ka assists sa dihang gibugha sa Slovenia ang Cape Verde, 92-77.