Lady Spikers, Lady Falcons swak sa SSL quarterfinals
MANILA, Philippines — Kinumpleto ng De La Salle University at Adamson University ang 2-0 sweep sa kanilang mga grupo papasok sa quarterfinals ng 2023 Shakey’s Super League (SSL) National Invitationals kahapon sa Filoil EcoOil Centre.
Pinatumba ng reigning UAAP champion La Salle ang CESAFI runner-up University of Southern Phi-lippines Foundation, 25-14, 25-15, 25-19, tampok ang 13 points ni Alleiah Malaluan.
Nagdagdag sina Shevana Laput at Katrina Del Castillo ng tig-10 points para sa pagwalis ng Lady Spikers sa Pool A ng torneong inihahandog ng Eurotel, Victory Liner at Commission on Higher Education (CHED).
“Marami pa kaming kulang. Lalo iyong connection ng setters at spikers. Marami pang kailangang ayusin. Iyong mga unnecessary errors, kailangan masolusyonan,” ani La Salle assistant coach Noel Orcullo.
Hindi naglaro sina UAAP Rookie-MVP Angel Canino at ace libero Justine Jazareno sa pagpasok ng Lady Spikers sa knockout playoffs ng event na suportado ng Mikasa, Team Rebel Sports, Summit Bottled Water, Genius Sports, Potato Corner, Peri-Peri Charcoal Chicken and Sauce Bar at R&B Tea.
Binigo naman ng UAAP bronze medalist Adamson ang NCAA runner-up Lyceum, 25-17, 25-18, 25-22, sa likod ng 10 points ni Lucille Almonte sa Pool C.
Ito ang ikalawang sunod na panalo ng Lady Falcons.
Swak din sa quarterfinals ang Perpetual (1-1) sa Pool A at Jose Maria College Foundation (1-1) sa Pool C habang nasibak ang USPF (0-2) at Lyceum (0-2).
- Latest
