Duno pabiling nanginit sa Amerika
CEBU, Philippines — Padayong miratsada ang Pinoy’ng lightweight contender nga si Romero “Assassin” Duno didto sa Amerika.
Kini human gipatikangkang sa pambato sa Sanman Gym si Jonathan Perez sa Colombia human sa duha ka hugna sa ilang sangka kagahapon didto sa Manuel Artime Community Center Theater sa Miami, Florida.
Mao kadto ang ikatulong sagunson nga daog sa 21-anyos nga si Duno sa US.
Unang gipabarag ni Duno si Perez gamit ang makusog nga right straight sa ikaduhang hugna ug dayon gibiradahan kini niya og suntok sa tiyan.
Mao kini ang nakapa-aghat sa corner ni Perez nga mosurender.
Si Duno nagkupot na karon og 24-2 record uban ang 18KOs samtang si Perez natagak ngadto sa 38-28 uban ang 30KOs.
- Latest