4 Olympic medalists produkto ng PSC grassroots programs
MANILA, Philippines — Maganda ang nagiging resulta ng isang epektibong grassroots programs.
Isang halimbawa na rito si Tokyo Olympics gold medalist Hidilyn Diaz na naging produkto ng Batang Pinoy (BP) at Philippine National Games (PNG) ng Philippine Sports Commission (PSC).
Sa nasabing dalawang youth programs nahasa ang kakayahan ng weightlifting superstar para wakasan ang 97-taong paghihintay ng bansa sa kauna-unahang Olympic gold medal.
“Talagang malaking bagay ang nagagawa ng competition and programs. It gives awareness.” wika ng tubong Zamboanga City na si Diaz sa panayam ng PSC Public Communications group.
Bukod kay Diaz, produkto rin ng grassroots programs sina Tokyo Olympics silver medal winners Nesthy Petecio at Carlo Paalam at bronze medalist Eumir Felix Marcial ng boxing.
“The Filipino youth will go a long way if we continue investing in our grassroots,” ani PSC chairman William ‘Butch’ Ramirez. “Taking care of Hidilyn Diaz since her first Olympic campaign shows that developing athletes should be from the ground up.”
Ang nasabing performance nina Diaz, Petecio, Paalam at Marcial ang best-ever Olympic finish ng bansa.
Ang iba pang nadiskubre sa PSC grassroots programs ay sina Olympic artistic gymnastics finalist at world champion Carlos Edriel Yulo, weightlifting national record-holder Elreen Ando, taekwondo jin Kurt Barbosa at rower Cris Nievarez.
- Latest
