Curry, Jokic, Embiid kandidato pagka-MVP

CEBU, Philippines — Ang alas sa Golden State Warriors nga si Stephen Curry ug ingon man sila si Nikola Jokic sa Denver Nuggets ug Joel Embiid sa Philadelphia 76ers maoy nag-unang mga kandidato pagka-MVP ning 2020-2021 NBA season.

Si Curry, nga gikoronahang MVP sa liga niadtong 2015 ug 2016 seasons, naglaraw sa ikatulo niyang tropeyo samtang sila si Jokic ug Embiid parehong nangindahay nga ma-angkon ang prestihisoyong pasidungog sa labing unang higayon sa ilang karera.

Gawas niini, sila si Jokic ug Embiid nagtinguha sab nga mamahimong labing unang sentro nga ma-MVP sukad ni Shaquille O'Neal sa LA Lakers niadtong 2000.

Nilang tulo, inilog si Curry, ang NBA scoring champion ning season human mi-average og 32 puntos matag duwa. Gibuak sab ni Curry ang all-time records sa Warriors sa pinuntosay, assists ug labing daghan nga tres.

Dili sab hinoon kabintahaan sila sila si Jokic ug Embiid.

Makalisang ang average ni Jokic nga 26.4 puntos, 10.8 rebounds ug 8.3 assists ning season, samtang si Embiid mipatik sab og impresibong mga numero nga 28.5 puntos ug 10.6 rebounds matag duwa.