LeBron mobalik sa aksiyon karon batok Rockets
CEBU, Philippines — Gipaabot nga mobalik sa aksiyon si LeBron James dihang ang Los Angeles Lakers makisangka sa Houston Rockets karong adlawa, sumala pa sa balita.
Nakarekober gikan sa injury (sprained right ankle), si James napalta sa ikalimang sunod-sunod nga higayon, apil ang ilang 101-99 nga kadaogan pinaagi sa overtime batok sa New York Knicks kagahapon didto sa Staples Center sa Los Angeles, California.
Apan duna na'y plano sa pagpaduwa og balik ni James batok sa Rockets, sumala pa ni Adrian Wojnarowski sa ESPN.
Ang Lakers nahimutang sa ikapaitong dapit sa Western Conference sunod sa Portland TrailBlazers ug una sa Golden State Warriors nga nikampiyot sa ikawalong puwesto. Ikasiyam ang Memphis Grizzlies ug gisundan sa San Antonio Spurs.
- Latest
