Curry, Oubre Jr. isinalba ang Warriors
SAN FRANCISCO - Naghulog si Stephen Curry ng 41 points para sa 122-121 pagtakas ng Golden State Warriors sa Milwaukee Bucks at pigilin ang kanilang three-game losing skid.
Isinalpak ni Kelly Oubre Jr. ang dalawang free throws sa huling 7.7 segundo para sa one-point lead ng Warriors (24-27) habang nagmintis ang Bucks (32-18) sa kanilang posesyon.
Tumipa si Khris Middleton ng 28 points para sa Milwaukee na muling hindi nakuha ang serbisyo ni injured big man Giannis Antetokounmpo.
Sa Los Angeles, humataw si Paul George ng 36 points para pamunuan ang Clippers (34-18) sa 133-116 pagdurog sa Portland Trail Blazers (30-20).
Sa Tampa, Florida, kumonekta ang nagdedepensang Lakers (32-19) ng kabuuang 18 triples para kunin ang 110-101 panalo sa Toronto Raptors (20-31).
Sa Boston, kumamada si Joel Embiid ng 35 points para banderahan ang Philadelphia 76ers (35-16) sa 106-96 tagumpay sa Celtics (25-26).
Sa Atlanta, nagpasabog si Trae Young ng 30 points sa 123-107 pagdagit ng Hawks (27-24) sa New Orleans Pelicans (22-28).
Sa Denver, nagposte si Nikola Jokic ng 27 points para pamunuan ang Nuggets (13-8) sa 134-119 pagdomina sa Detroit Pistons (5-16).
Sa Miami, umiskor si Dillon Brooks ng season-high 28 points para tulungan ang Memphis Grizzlies (25-23) na kunin ang 124-112 tagumpay sa Heat (26-25).
Sa Indianapolis, naglista si Nikola Vucevic ng 32 points at 17 rebounds para sa 113-97 pagsuwag ng Chicago Bulls (21-28) sa Indiana Pacers (22-27).
- Latest
