Mavericks nidaog na gyud sa Jazz

CEBU, Philippines — Si Luka Doncic miiskor og 32 puntos ug si Dorian Finney-Smith mihimo'g season-high 23 puntos sa dihang ang Dallas Mavericks mibuntog sa Utah Jazz, 111-103 alang sa ilang season-best

Ang Dallas Mavericks mihimo og season-best nga lima ka sagunson nga daog pinaagi sa pagpilde sa Utah Jazz, 111-103 sa NBA kagahapon didto sa American Airlines Center sa Dallas, Texas.

Si Luka Doncic miiskor og 32 puntos ug si Dorian Finney-Smith mihimo'g season-high 23 puntos aron mangulo sa opensa sa Mavs nga miputol sa siyam ka sunod-sunod nga daog sa Jazz. 

Miamot og 20 puntos si Jalen Brunson, samtang sila si Josh Richardson ug Tim Hardaway Jr. mitampo'g 17 ug 16 puntos dihang ang  Dallas nidaog sa labing unang higayon sa tulo ka mga duwa batok sa Utah karon nga season.

Mikadlit og 28 puntos si Mike Conley  aron pangulohan ang Jazz nga gilubong og 18 puntos. Sila si Donovan Mitchell, Bojan Bogdanovic ug Jordan Clarkson nag-amotay og 16 puntos ug si Rudy Gobert adunay 14 puntos ug 15 ka rebounds.

Didto sa New York, si Kyrie Irving mipabuhagay og 40 puntos, si Jeff Green mihimo og duha ka free throws sa nahabiling 3.7 segundos  ug ang Brooklyn Nets misibot og daog batok sa New York Knicks, 114-112.   

Nibalik na og duwa si James Harden human napalta og duha ka duwa tungod sa injury, apan igo lang siya niduwa sud sa kuwatro minutos sa wala pa mogawas tungod sa mao gihapon nga injury.    

Ang Knicks miiskor og lima ka sunod-sunod nga puntos aron pagtabla sa duwa, 112-all sa 3-pointer ni Alec Burks. Nasipyat si Joe Harris sa iyang jumper, apan nakuha ni Green ang rebound ug nakakubit pa og foul.

Si Green miiskor og 23 puntos, samtang si Harris mitampo og 16 puntos sa Nets nga nidaog sa ilang ikawalo ka sunod-sunod nga duwa sa ilang korte.

Sa Tampa, Fla., si Gary Trent Jr.  mihimo og buzzer-beater 3-pointer ug ang Toronto Raptors mibangon gikan sa 19 nga pagkalubong sa  second-half aron pagpukan sa Washington Wizards sa iskor nga 103-101.

Gipangulohan ni Pascal Siakam ang Toronto pinaagi sa pagpabuto og 22 puntos ug si DeAndre Bembry ug rookie Malachi Flynn nga nangulo sa opensa sa Raptors sa fouth quarter nga nidaog og sunod-sunod nga duwa sa unang higayon sukad niadtong Pebrero 19-21. Pascal Siakam led Toronto with 22 points, and DeAndre Bembry and rookie Malachi Flynn led a fourth-quarter charge for the Raptors. Si Russell Westbrook mipupo og 23 puntos, 14 ka rebounds ug 11 kas assists sa Wizards nga nasagunsonan og upat ka pilde. 

Didto sa San Antonio, miposte og career-high 37 puntos si Darius Garland dihang gilubong sa Cleveland Cavaliers ang San Antonio  Spurs sa iskor nga 125-101.

Dako sab og natabang sa kadaogan si Collin Sexton nga miambit og 22 puntos ug ingon man si Isaiah Hartenstein nga miiskor og season-high 16 puntos ug Taurean Prince nga adunay 14 puntos.

Si DeMar DeRozan miburak og 25 puntos alang sa San Antonio, samtang sila si Rudy Gay, Derrick White ug Keldon Johnson mitimbre'g 13 puntos matag usa.