PBA Press Corps virtual special Awards Night sa Marso 7
MANILA, Philippines — Magkakaroon ng double event ang PBA Press Corps para sa kanilang virtual special Awards Night sa Marso 7 mula sa TV5 Media Center.
Bukod sa mga 2019 honorees ay gagawaran din ng parangal ng PBAPC ang mga natatanging personalidad sa nakaraang 2020 Philippine Cup bubble season na idinaos sa Clark, Pampanga.
Mayroon ding Top Bubble D-Fender at All Bubble D-Fenders.
Pamumuan ni Coach of the Year Leo Austria ng San Miguel ang mga 2019 awardees sa nasabing annual event na inihahandog ng Cignal TV na ipinagpaliban noong 2020 dahil sa COVID-19 pandemic.
Buod kay Austria (2019 Baby Dalupan Coach of the Year), ang iba pang nasa honor roll list ay sina PBA chairman Ricky Vargas (Danny Floro Executive of the Year), Bulakan, Bulacan Mayor at dating PBA MVP Vergel Meneses (President’s Award), Sean Anthony (Defensive Player of the Year), Terrence Romeo (Mr. Quality Minutes), June Mar Fajardo (Order of Merit) at CJ Perez (Scoring Champion).
Para sa 2020 season ay ibibigay ang Outstanding Coach of the Bubble, Mr. Executive, President’s Award, Mr. Quality Minutes, Scoring Champion, All-Rookie Team at Game of the Bubble.
Kasama rin sa 2019 awardees sina Perez, Robert Bolick, Bobby Ray Parks Jr., Javee Mocon at Abu Tratter (All-Rookie Team), Kiefer Ravena, Christian Standhardinger, Beau Belga, Vic Manuel, Arwind Santos at coach Yeng Guiao (All-Interview Team), PBL D-League Finals MVP Thirdy Ravena (Aspirants’ Cup) at Hased Gabo (Foundation Cup) at ang NorthPort vs NLEX (Game of the Season).
- Latest
