Garcia babagsak sa 2nd round kay Pacquiao — Morales
MANILA, Philippines — Bugbog-sarado ang aabutin ni World Boxing Council (WBC) interim lightweight champion Ryan Garcia kung matutuloy ang laban nito kay eight-division world champion Manny Pacquiao.
Mismong si dating world champion Erik Morales ang nagsabing hindi uubra si Garcia sa lakas ng kamao ni Pacquiao.
“I think Garcia is taking advantage of being a popular fighter. That is the reality, he is already a champion, but he has to face the best to solidify it, because he is hardly an interim,” ani Morales sa panayam ng ESPN Deportes.
Nagbigay pa ng prediksiyon si Morales kung saan nakikita nitong tutumba si Garcia sa second round ng laban.
Alam ni Morales na may edad na si Pacquiao na nagdaos ng ika-42 kaarawan noong Disyembre.
Ngunit nananatili ang bangis nito na tunay na nasilayan sa kanyang huling dalawang laban kontra kina Adrien Broner at Keith Thurman.
“Pacquiao with Ryan is a very lopsided fight. Even though Pacquiao is old, he can put Ryan to bed in two rounds,” ani Morales.
Kabisado ni Morales ang bagsik ng suntok ni Pacquiao dahil tatlong beses nitong nakasagupa ang Pinoy champion.
- Latest
