Bulls dapa sa Lakers
CHICAGO — Nagposte si Anthony Davis ng 38 points, 6 rebounds at 3 assists para pamunuan ang nagdedepensang Los Angeles Lakers sa 101-90 tagumpay sa Bulls.
Nagdagdag si LeBron James ng 17 points at 11 boards para sa 9-0 road games record ng Lakers at league-best 13-4 kartada.
Sa likod ng 26 points ni Davis, kinuha ng Los Angeles ang 30-point lead, 66-33, sa first half na hindi na naputol ng Chicago (7-9) na nakahugot kay Zach LaVine ng 21 points at 10 rebounds.
Sa Detroit, nagposte si center Joel Embiid ng 33 points tampok ang dalawang free throws sa huling 7.2 segundo para igiya ang Philadelphia 76ers (12-5) sa 114-110 pagtakas sa Pistons (3-13).
Sa New York, humataw si Kevin Durant ng 31 points habang may 28 markers si Kyrie Irving para tulungan ang Brooklyn Nets (10-8) na sapawan ang career-high 41 points ni center Bam Adebayo at kunin ang 128-124 panalo sa Miami Heat (6-9).
Sa Salt Lake City, nagtala si Donovan Mitchell ng 23 points, 7 rebounds at 6 assists para sa 127-108 paggupo ng Utah Jazz (12-4) sa Golden State Warriors (8-8).
Sa Dallas, nagsalpak si Eric Gordon ng season-high 33 points at nagdagdag si DeMarcus Cousins ng 28 points at 17 rebounds sa 133-108 pagdaig ng Houston Rockets (6-9) sa Mavericks (8-8).
Sa Minneapolis, tumipa si Naz Reid ng 20 points para ihatid ang Minnesota Timberwolves (4-11) sa 120-110 tagumpay sa New Orleans Pelicans (5-10).
- Latest