Anak ni Benjie Paras moapil sa PBA Draft
CEBU, Philippines — Anak ni PBA Great Benjie Paras nangandoy nga makaduwa sa Philippine Basketball Association.
Segun sa PBA website, ang kapuso actor nga si Andre Paras misumiter sa iyang aplikasyon alang sa PBA draft.
Ang deadline sa pagduso sa aplikasyon sa Enero 27 ug ang PBA draft gikatakda sa Marso 14 sa sunod tuig.
Si Andre maguwang ni UP cager nga si Kobe, niduwa sa AMA Online Education sa PBA D-League niadtong 2017.
Niduwa siya sa La Salle Green Hills sa hayskol ug usa ka season sa UP Fighting Maroons sa kolehiyo.
Lain pang magpa-draft mao sila si Jason Brickman, Jeremiah Gray ug Brandon Ganuelas-Rosser. Silang tulo niduwa alang sa San Miguel Alab Pilipinas sa ASEAN Basketball League.
Miduso sab sa ilang aplikasyon silang Matthew Kyle Sanchez sa San Beda ug Shem Kenneth Magallanes gikan sa Caybiga High School.
- Latest