Pinay'ng basketbolista mihimo'g kasaysayan

CEBU, Philippines — Ang Pinay nga si Vanessa de Jesus mihimo og kasaysayan sa natad sa basketbol.

Kini human siya nahimo nga labing unang player sa Asya nga nalandig sa Duke Univerity, ang nag-unang tunghaan sa US NCAA Division I.

Si De Jesus nga gisaytan sa Gilas Pilipinas, natawo sa mga Pinoy nga ginikanan gikan sa Boracay ug Pangasinan, apan didto na nagtubo sa California.

Moduwa siya sugod karong Nobiyembre uban sa Blue Devils ubos ni coach Kara Lawson, kanhi WNBA champion ug 2008 Olympic gold medalist.

Ning sayo pa, gipadayag na ni De Jesus ang iyang interes nga moduwa alang sa Pilipinas sa umaabot nga internasyonal nga mga kompetisyon.