Halos kumpleto na!
Playoff matchups ng NBA restart season
LAKE BUENA VISTA, Florida -- Halos kumpleto na ang playoff picture para sa NBA restart season.
Ito ay matapos mapunan ang lima sa anim na matchups para sa first round, isang best-of-seven series, ng playoffs kahapon dito sa Walt Disney World.
Sa Western Conference ay lalabanan ng No. 5 Houston ang No. 4 Oklahoma City kung saan maghaharap sina Rockets star guard Russell Westbrook at Thunder playmaker Chris Paul.
“It’ll be interesting,” wika ni Paul. “Two teams that know a lot about each other. We’ll prepare, get ready and we’ll see what’s what.”
Nasa West playoffs din ang second-seeded Los Angeles Clippers kontra sa No. 7 Dallas Mavericks at ang No. 3 Denver Nuggets laban sa No. 6 Utah Jazz.
Sa East, haharapin ng No. 1 Milwaukee Bucks ang No. 8 Orlando Magic at sasagupain ng No. 2 Toronto Raptors, ang nagdedepensa sa korona, ang No. 7 Brooklyn Nets.
Magtutuos naman ang No. 4 Miami Heat at No. 5 Indiana Pacers habang magtatapat ang No. 3 Boston Celtics at No. 6 Philadelphia 76ers.
Ang full list ng mga matchups ay madedetermina sa West play-in series kung saan mag-aagawan sa dalawang tiket sa playoffs ang Portland Trail Blazers, Memphis Grizzlies, Phoenix Suns at San Antonio Spurs.
Ang mananalo ang lalaban sa top-seeded Los Angeles Lakers sa first round.
Samantala, humataw si Paul George ng 27 points habang may 26 markers si Kawhi Leonard para tulungan ang Clippers sa 124-111 pananaig sa Nuggets.
Isinalpak naman ni Stanley Johnson ang kanyang tiebreaking basket sa huling 4.9 segundo para sa 125-121 panalo ng Raptors kontra sa 76ers at binigo ng Pacers ang Rockets, 108-104.
- Latest
