Chooks-to-Go Pilipinas 3x3 kinilala na ng GAB
Bilang professional league
MANILA, Philippines — Hindi lamang ang Philippine Basketball Association (PBA) ang kinikilalang professional basketball league sa bansa ngayon.
Tuluyan nang hinirang ng Games and Amusements Board (GAB) ang Chooks-to-Go Pilipinas 3x3 bilang isang pro league matapos dumaan sa mahabang proseso.
“The professional games division of GAB studied their technical capabilities on officiating and all of the rules, as well as their financial capability to run a league,” wika ni GAB chairman Abraham ‘Baham’ Mitra sa Chooks-to-Go Pilipinas 3x3.
Ang mga bansang may sariling 3x3 pro league ay ang Japan, Australia, New Zealand at mayorya ng mga European countries.
“I really believe na by turning pro, it will firm up our quest to become a dominant force sa 3x3 all over the world,” sabi ni Chooks-to-Go Pilipinas 3x3 Commissioner Eric Altamirano.
Sinimulan ang Chooks-to-Go Pilipnas 3x3 noong 2019 para matulungan ang bansa na makakuha ng tiket sa 2021 Olympic Games sa Tokyo, Japan.
Ang Philippine national 3x3 team na sasabak sa Tokyo Olympic qualifiers ay binubuo nina 2019 Southeast Asian Games 3x3 gold medalists CJ Perez ng Columbia at Moala Tautuaa ng San Miguel at Joshua Munzon at Alvin Pasaol.
Bilang isang pro league kagaya ng PBA at Philippine Football League (PFL), ang Chooks-to-Go Pilipinas 3x3 ay sakop na ng inilabas na Joint Administrative Order (JAO) ng Inter-Agency Task Force (IATF) kung saan pinapayagan lamang ang training at conditioning ng mga players.
- Latest