Sentro sa Clippers mibiya sab sa NBA bubble

CEBU, Philippines — Ang sentro sa Los Angeles Clippers nga si Montrezl Harrell maoy labing uwahing players nga mibiya sa NBA bubble didto sa Orlando, Florida.

Sama ni star rookie Zion Williamson sa New Orleans Pelicans nga mibiya sab sa NBA bubble niadtong Biyerners, kakulian sa pamilya maoy rason ni Harrell.

Si Harrell, kinsa mi-average og 18.4 puntos nga maoy ikatulong labing taas sa usa ka reserve ning NBA season, gipaabot hinuon nga mobalik sa iyang team sa wala pa hisayring petsa.

Kon ugaling makabalik na sa Orlando, si Harrell magkwaranting og balik gikan sa upat ngadto sa 10 ka adlaw sa dili pa siya makaapil sa mga kalihukan sa liga didto sa bubble sa Walt Disney World.

Ang bubble giplastada sa NBA aron proteksiyonan ang tanan sa coronavirus samtang tiwason sa liga ang nahibiling bahin sa naputol niining season sugod karong Hulyo 31 (oras dinhi sa Pilipinas).